Alex Vissering

zondag, april 01, 2007

Noordmannen (Visserings Visie)

Beste keunegin,

Stommegeern wil ik sollicitaaiern noar de funktie van joen commesoares in de pervincie Grunnen.
Ik bin ain jong belegen muskus en beverröttenvanger en heb roeme ervoaren in het bewaarken van mins en daar.
Het lidmoatschop van n politieke partij is mie nait gunt omreden dat ik as laidjesmoaker de kop leeg hoalen mout en doarum onder of boven de politiek stoan wil.
Mien sympathie ligt meer bie de minsen dij het doun mouten bedoul ik te zeggen.
Ik kin kört van stof wezen en dat het zien veurdailen den weer tiedens het vergoadern in de Stoatenzoal.

Ik kin aine mit de ogen terechte wiezen en dat liekt mie sums wel neudeg omreden dat nut en noodzoak van summege plazerij wied vot is en doarum der aine wezen mout dij de go of non go van n gesprek of gloepense laange monoloog hier en doar n leutje beetje wait te minimaliseern noar de items woar t essentieel om gait.
Wie hebben niks aan luu dij nog nooit n strenge liek mokt hebben en dij schuren laangs hun aigen woarhaid en de echte woarhaid, wie willen bie ons in Grunnen groag doames en heren van J de W.

Grunnen gait mie aan t haart en wel aan Grunnen komt, komt aan mie.
k Wait nait of k wel genog begoage in mien rugzakkie heb en doarum heb k bedocht, majesteit, dat joe mie tiedens t sollicitoatiegesprek testen op mien intelligentie. Op geschiedenis, kennis van de netuur, humor, relativeringsvermogen en algemaine kennis.
Geschiedenis vond k aaltied mooi, zo wait ik nog dat in 1584 joen veurvoader Willem de Zwieger is vermoord.
De geschiedenis noa 2002 interesseert mie wat minder as je nait t aarg vinden.
Der is zoveul gebeurt, dat de gedachtengaang van hail veul minsen,zo liekt het wel, aantast is.
Ales wat dij verschrikkelijke Janmaat n joar of tiene leden zee is nou mild en doar kin ik as Grunneger pladdelander slecht aan winnen.
As grode laifhebber van Lucky Luke wil ik groag in hail Nederland de invoering van pek met veren introdusaaiern.
Het liekt mie geweldig om ain mit blaikwotter geblondeerde man mit pek en veren op n bongel vastbonden de grens over te zetten.
k Bin ook laifhebber van Asterix en Obelix mor om n onverloat mit verödde vis
te bewaarken, te roupen: “Je fuster ful je bedoelen”, gait mie te wied.
Wie binnen per slot van reken n democratie, gelukkeg mor.
K Hoop dat joe mie nuigen veur n gesprek enne….
Der gait niks boven Grunnen behaalve Röttemeroog en Ploat.
O ja, vergeetn te zeggen, k heb wel twij paspoorten….

2 reacties:

  • Beste Alex Vissering,
    Wij hebben uw schrijven d.d. 1 april j.l. met genoegen tot ons genomen.
    Het behaagt ons om u mede te delen dat we van uw aanbod wellicht op een later tijdstip gebruik zullen maken. Wij genieten vooralsnog teveel van uw optredens en sinds kort van uw inbreng in het fantastische Radioprogramma "Noordmannen" en wensen dat gaarne voort te zetten. Wij zien deze creatieve activiteiten in gevaar belanden indien u onze commissaris zult zijn. Voor die functie geven wij bij voorkeur aan iemand die toch niets beters te doen heeft.
    Wij groeten u van harte.

    Door Anonymous B. van O., Op 9:51 p.m.  

  • Wij groeten u terug en bedanken.

    Door Blogger Alex Vissering, Op 12:15 p.m.  

Een reactie plaatsen

Aanmelden bij Reacties plaatsen [Atom]



<< Homepage